कवितालयबद्ध कविता
# नवरात्रि
म्हारा आंगणिया में
बैगा पधारो माँ अम्बे
म्हारा आंगणिया में
कुमकुम लगावां,टीको पेरावां
थारी नथनी में लड़ियाँ लटकावां,
म्हारा आंगणिया में
हरवा झलकावां,नौलखा सजावां
थारा कानां में झुमका पेरावां
म्हारा आंगणिया में
भुजबन्द बंधावां,पोची पेरावां
थारा चुड़ला में हिरला जड़ावां
म्हारा आंगणिया में
पायल झनकावां,बिछियां पेरावां
थारा पावां में मेहँदी रचावां
म्हारा आंगणिया में
लहंगो सजावां,चोली पेरावां
माँ थारी चुनरी में सितारा जडावां
म्हारा आंगणिया में
बेगा पधारो माँ अम्बे
म्हारा आंगणिया
सरला मेहता